ថ្ងៃអាទិត្យ ទី១៦ ខែឧសភា ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
ក្រុមការងារយុវជនគណបក្សប្រជាជនកម្ពុជាខេត្តមណ្ឌលគិរីនាំយកទេយ្យវត្ថុ និងបច្ច័យប្រគេនព្រះសង្ឃចំនួន៣វត្តក្នុងស្រុកកោះញែក
Mon,03 May 2021 (Time 08:08 AM)
ដោយ ៖ (ចំនួនអ្នកអាន: 23នាក់)

ខេត្តមណ្ឌលគិរី ៖ ដោយមើលឃើញពីការខ្វះខាត នៅតាមទីវត្តអារាមក្នុងបរិបទនៃវិបត្តិជំងឺកូវីដ ១៩ ក្រុមការងារយុវជនគណបក្សប្រជាជនខេត្តមណ្ឌលគិរី ដឹកនាំដោយលោក សាយ ម៉េង គីម សមាជិកយុវជនថ្នាក់កណ្ដាល និងជាប្រធានក្រុមការងារយុវជនគណបក្សប្រជាជនកម្ពុជាខេត្តមណ្ឌលគិរី និងមានការចូលរួមពីស.ស.យ.កស្រុក បាននាំយកទេយ្យវត្ថុនិងបច្ច័យមួយចំនួន ទៅប្រគេនព្រះសង្ឃគង់នៅវត្តចំនួន ៣ក្នុងស្រុកកោះញែក គឺ វត្តសុវណ្ណរុក្ខារាម (វត្តស្រែជង ) វត្តពេជ្រគិរីសុវណ្ណារាម (វត្តទួល ) និងវត្តកងមាសគោះខ្ទធម្មភព កាលព្រឹកថ្ងៃទី២ ខែឧសភា ឆ្នាំ២០២១។

នៅក្នុងឱកាសនោះ លោក សាយ ម៉េងគីម បានជម្រាបជូនពីស្ថានភាពជំងឺកូវីដ១៩ នៅក្នុងប្រទេសកម្ពុជា រួមទាំងខេត្តមណ្ឌលគិរីផងដែរ ថា ប្រទេសកម្ពុជាយើងកំពុងទទួលរងនូវការឆ្លងរាតត្បាតពីជំងឺកូវីដ១៩ យ៉ាងខ្លាំងក្លា ជាពិសេសនៅរាជធានីភ្នំពេញនិងតាមបណ្តាខេត្តមួយចំនួន ក្នុងព្រឹត្តិការណ៍ ២០ កុម្ភៈ ដោយក្នុងមួយថ្ងៃៗមានអ្នកឆ្លងជំងឺកូវីដ១៩ រាប់រយនាក់ ហើយរហូតមកទល់ពេលនេះ មានអ្នកឆ្លងជំងឺកូវីដ១៩ ចំនួន ១៤,៥២០នាក់ និងអ្នកស្លាប់ចំនួន១០៣នាក់។

ប្រឈមមុខនឹងការរាតត្បាតដ៏ខ្លាំងក្លានេះ ប្រមុខរាជរដ្ឋាភិបាល បានដាក់ចេញនូវវិធានការបិទខ្ទប់រាជធានីភ្នំពេញ និងក្រុងតាខ្មៅនៃខេត្តកណ្ដាល ព្រមទាំងដាក់ចេញនូវវិធានការ សេចក្តីសម្រេចនានាក្នុងគោលដៅទប់ស្កាត់ការឆ្លងរាលដាល និងឈានឆ្ពោះទៅរកការបិទបញ្ចប់នៃព្រឹត្តិការណ៍ ២០ កុម្ភៈ។

លោក សាយ ម៉េង គីម បានបន្ថែមថា សម្រាប់ខេត្តមណ្ឌលគិរីក៏មានករណីឆ្លងជំងឺកូវីដ១៩ក្នុងព្រឹត្តិការណ៍២០ កុម្ភៈចំនួន ៣ នាក់ផងដែរ ដោយអ្នកជំងឺទាំងនោះត្រូវបានដាក់ឲ្យសម្រាប់ព្យាបាលនៅមន្ទីរពេទ្យបង្អែកខេត្ត ហើយអ្នកពាក់ព័ន្ធផ្សេងទៀតត្រូវបានដាក់ឲ្យធ្វើ ចត្តាឡីសក័នៅមណ្ឌលចត្តាឡីសក័និងនៅផ្ទះ ដើម្បីកាត់ផ្ដាច់ប្រភពចម្លងបន្ត ។ ក្រៅពីនេះរដ្ឋបាលខេត្តមណ្ឌលគិរី បានដាក់ចេញនូវវិធានការ និងសេចក្ដីសម្រេចមួយចំនួនទៀត ដើម្បីធានាប្រសិទ្ឋភាពទប់ស្កាត់ការឆ្លងរាលដាលក្នុងសហគមន៍បន្ត ។

លោកសាយ ម៉េង គីម ក៏បានស្នើដល់ព្រះសង្ឃនិង លោកតាអាចារ្យ ជួយផ្សព្វផ្សាយបន្តដល់ពុទ្ធបរិស័ទអោយចូលរួមអនុវត្តតាមវិធានការ ៣ ការពារ ៣កុំ ឱ្យបានជាប់ជានិច្ច ដើម្បីកាត់បន្ថយពីហានិភ័យឆ្លងជំងឺកូវីដ១៩។

ទេយ្យវត្ថុនិងបច្ច័យ ប្រគេនដល់ព្រះសង្ឃនៅវត្តចំនួន ៣ក្នុងស្រុកកោះញែកនៅពេលនោះ ដោយក្នុងមួយវត្តទទួលបាន អង្ករ១០០គីឡូ ក្រាម, ត្រីខ៣យួរ ,ទឹកសុទ្ធ៥កេស ,មី៥ដុំ, ទឹកត្រី២យួរ, ភេសជ្ជៈ២កេស, ម៉ាស៥ប្រអប់, អាល់កុល១០លីត្រ និងបច្ច័យ២០០,០០០ រៀល៕

ព័ត៌មានគួរចាប់អារម្មណ៍

រដ្ឋបាលខេត្តកំពង់ចាមសម្រេចបន្តអនុវត្តន៍នូវវិធានការរដ្ឋបាលក្នុងភូមិសាស្ត្រខេត្តរយៈពេល០២សប្តាហ៍ទៀត ()

ព័ត៌មានគួរចាប់អារម្មណ៍

អភិបាលខេត្តត្បូងឃ្មុំ សំណេះសំណាលចែកម៉ាស អាល់កុល ជែក ប្រេងសាំង និងថវិការលើកទឹកចិត្តដល់មន្ត្រីសាលាខេត្ត ណែនាំឲ្យបន្តអនុវត្តន៍ និងផ្សព្វផ្សាយបន្តវិធានការពារឆ្លងជំងឺកូវីដ១៩ «៣កុំ ៣ការពារ» ()

ព័ត៌មានគួរចាប់អារម្មណ៍

សាខាកាកបាទក្រហមកម្ពុជាខេត្តបាត់ដំបងលោក បើកយុទ្ធនាការផ្សព្វផ្សាយសារសុវត្ថិភាពចរាចរណ៍ និងវិធានការទបស្កាត់ការរីករាលដាលកូវីដ១៩ ក្នុងព្រឹត្តិការណ៍សហគមន៍២០កុម្ភៈ មុនពិធីបុណ្យចូលឆ្នាំថ្មីប្រពៃណីជាតិខ្មែរ ()

ព័ត៌មានគួរចាប់អារម្មណ៍

អភិបាលខេត្តពោធិ៍សាត់ ចុះត្រួតពិនិត្យគោលដៅអនុវត្តន៍បទបញ្ជារបស់រាជរដ្ឋាភិបាល លើការបិទការធ្វើដំណើរឆ្លងកាត់ពីខេត្តមួយទៅខេត្តមួយ ជាបណ្តោះអាសន្នរយៈពេល១៤ថ្ងៃ ()

ព័ត៌មានគួរចាប់អារម្មណ៍

អាជ្ញាធរខេត្តព្រះវិហារ ចុះត្រួតពិនិត្យគោលដៅអនុវត្តន៍បទបញ្ជារបស់រាជរដ្ឋាភិបាល លើការបិទការធ្វើដំណើរឆ្លងកាត់ពីខេត្តមួយទៅខេត្តមួយ ជាបណ្តោះអាសន្នរយៈពេល ១៤ថ្ងៃ ()

វីដែអូ