ថ្ងៃព្រហស្បតិ៍ ទី២៥ ខែកុម្ភៈ ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
អភិបាលខេត្តកំពត ស្នើឲ្យជំនាញពាក់ព័ន្ធ ចុះកំណត់ប្រភេទក្បាលដី និងម្ចាស់ដីឲ្យបានច្បាស់លាស់មុនកាត់ឆ្វៀល ដើម្បីបញ្ជៀសបញ្ហា
Wed,06 January 2021 (Time 01:01 PM)
ដោយ ៖ (ចំនួនអ្នកអាន: 62នាក់)

(កំពត)៖ លោក ជាវ តាយ អភិបាលខេត្តកំពត បានស្នើឲ្យមន្ត្រីជំនាញ និងអាជ្ញាធរពាក់ព័ន្ធទាំងអស់ ត្រូវចុះកំណត់ប្រភេទក្បាលដី និងអត្តសញ្ញាមនុស្សកាន់កាប់ដី ជាក់ស្តែងឲ្យបានច្បាស់លាស់ ប្រកបដោយតម្លាភាព មុននឹងឆ្វៀលកាត់ដី ចេញប័ណ្ណកម្មសិទ្ធិជូនពលរដ្ឋ ដើម្បីបញ្ជៀសបញ្ហា ឬកើតទំនាស់ផ្សេងៗទៅថ្ងៃមុខ ដែលពិបាកដោះស្រាយ។

ការស្នើនេះខណៈលោក ជាវ តាយ ដឹកនាំក្នុងកិច្ចប្រជុំស្ដីពីការពង្រឹងយន្តការ និងការពន្លឿន នៃការអនុវត្តន៍ការងារអត្តសញ្ញាណកម្មក្បាលដី និងអត្តសញ្ញាណកម្ម មនុស្សពាក់ព័ន្ធ ការកាត់ឆ្វៀលដី និងការផ្ដល់ប័ណ្ណកម្មសិទ្ធិ ជូនប្រជាពលរដ្ឋ ដែលបានកាន់កាប់ និងអាស្រ័យផលជាក់ស្ដែង លើដីយូរឆ្នាំក្នុងតំបន់ការពារធម្មជាតិ នៃឧទ្យានជាតិព្រះមុនីវង្សបូកគោ ក្នុងភូមិសាស្រ្តខេត្តកំពត នារសៀលថ្ងៃទី០៦ ខែមករា ឆ្នាំ២០២១ នៅសាលប្រជុំ សាលាខេត្តកំពត។

លោក ជាវ តាយ បានបន្ដថា តាមទិន្នន័យអ្នកដាក់ពាក្យស្នើសុំពិនិត្យ និងវាស់វែងដីកាន់កាប់ក្នុងឧទ្យានជាតិព្រះមុនីវង្សបូកគោ ក្នុងខេត្តកំពត មកដល់ពេលនេះ មានចំនួនសរុប ៣,៩១៣ក្បាលដី ក្នុងចំនួនគ្រួសារ ៣៣៨៦ ស្មើនឹងផ្ទៃដី១២,២៤៧ហិកតា ក្នុងភូមិសាស្ត្រស្រុកទឹកឈូ ស្រុកឈូក និងក្រុងកំពត។ ហើយទាំងចំនួនអ្នកមកដាក់ពាក្យ និងចំនួនក្បាលដី គឺវាច្រើនជាងអ្វីដែលមានជាក់ស្តែង។ ជាងនេះទៅទៀត មន្ត្រីជំនាញមិនទាន់ទាំងបានចុះទៅពិនិត្យផង ក៏មានទំនាស់គ្នាកើតឡើងជាបណ្តើរៗ នៅលើក្បាលដីខ្លះទៅហើយ។ លោកអភិបាលខេត្ត បានបញ្ជាក់ថា ការងារវាស់វែងឆ្វៀលដីនៅតំបន់នេះ មានភាពស្មុគស្មាញណាស់។ ដូច្នេះហើយ សូមឲ្យជំនាញពាក់ព័ន្ធ អាជ្ញាធរមូលដ្ឋាន ជាក្រុមការងារ ត្រូវយកចិត្តទុកដាក់ សហការគ្នាឲ្យបានជិតស្និទ្ធ ក្នុងការចុះពិនិត្យកំណត់ប្រភេទដី និងម្ចាស់ដីឲ្យបានច្បាស់លាស់ ប្រកបដោយតម្លាភាព បើមិនដូច្នេះទេ បញ្ហានឹងកើតមានឡើងមិនចេះចប់ក្រោយពេលវាស់វែងរួច។

លោកថា ជំនាញមន្ទីររៀបចំដែនដី និងមន្ទីរបរិស្ថានខេត្ត ត្រូវចុះទៅពិនិត្យភូមិសាស្ត្រ ដែលត្រូវឆ្វៀលជាក់ស្តែង ដើម្បីងាយស្រួលដល់ការវាយតម្លៃ កំណត់អត្តសញ្ញាណកម្មក្បាលដី និងអត្តសញ្ញាណកម្មអ្នកកាន់កាប់ដីពិតប្រាកដ ប្រកបដោយតម្លាភាព ដោយបញ្ចៀសឲ្យបាននូវភាពអសកម្ម, ការរិះគន់ ពីមតិមហាជន ឬលេចឮពាក្យ «អ្នកគ្រប់គ្រងអាស្រ័យផលលើដីពិតប្រាកដ មិនទទួលបានដី, បែរជាអ្នកមិនបានកាន់កាប់និងអាស្រ័យផលជាក់ស្ដែង ទទួលបានដីទៅវិញ»៕

ព័ត៌មានគួរចាប់អារម្មណ៍

រដ្ឋមន្រ្តី សាយ សំអាល់ សម្ពោធឱ្យប្រើប្រាស់ស្ថានីយ៍ផលិតថាមពលអគ្គិសនីដើរដោយពន្លឺព្រះអាទិត្យ និងប្រព័ន្ធផ្ទុកថាមពល (អាគុយ) នៅមជ្ឈមណ្ឌលស្រាវជ្រាវ និងអភិរក្សកេសរកូល «សុខ អាន ភ្នំគូលែន» ()

ព័ត៌មានគួរចាប់អារម្មណ៍

អភិបាលខេត្តពោធិ៍សាត់ ចុះពិនិត្យទីតាំងឈូសឆាយបើកផ្លូវចូលទៅទីតាំងដីគ្រោងសាងសង់រដ្ឋបាលប្រមូលផ្តុំ ក្នុងស្រុកតាលោសែនជ័យ និងទីតាំងដីបម្រុងទុករបស់រដ្ឋ ដែលគ្រោងនឹងសាងសង់រដ្ឋបាលប្រមូលផ្តុំ ក្នុងស្រុកភ្នំក្រវាញ ()

ព័ត៌មានគួរចាប់អារម្មណ៍

នាយឧត្តមសេនីយ៍សន្ដិបណ្ឌិត នេត សាវឿន ផ្ញើសារអបអរសាទរ និងជូនពរសម្ដេចតេជោ ហ៊ុន សែន ចំពោះសមិទ្ធផលប្រវត្តិសាស្ត្រថ្មី នៃនយោបាយឈ្នះឈ្នះ ទទួលបានតំណក់ប្រេងលើកដំបូង ()

ព័ត៌មានគួរចាប់អារម្មណ៍

ឧត្តមសេនីយ៍ឯក ចាប ភក្តី និងឧត្តមសេនីយ៍ឯក កែវ ធី ផ្ញើសារអបអរសាទរ និងជូនពរសម្ដេចតេជោ ហ៊ុន សែន ចំពោះសមិទ្ធផលប្រវត្តិសាស្ត្រថ្មី នៃនយោបាយឈ្នះឈ្នះ ទទួលបានតំណក់ប្រេងលើកដំបូង ()

ព័ត៌មានគួរចាប់អារម្មណ៍

រដ្ឋមន្ត្រីទេសចរណ៍ ៖ ភ្ញៀវទេសចរអាចដើរកម្សាន្តបានក្នុងឱកាសឆ្លងឆ្នាំសកល តែត្រូវអនុវត្តតាមវិធានសុវត្ថិភាពដាច់ខាត ()

វីដែអូ