ថ្ងៃព្រហស្បតិ៍ ទី១៥ ខែមេសា ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
មន្ទីរសុខាភិបាលខេត្តបន្ទាយមានជ័យ ចេញលិខិតបដិសេធថា គ្មានការយកលុយ ១៥.០០០ដុល្លារ ដើម្បីចូលក្របខ័ណ្ឌពេទ្យរដ្ឋឡើយ
Wed,20 January 2021 (Time 02:53 PM)
ដោយ ៖ (ចំនួនអ្នកអាន: 90នាក់)

(បន្ទាយមានជ័យ)៖ មន្ទីរសុខាភិបាលខេត្តបន្ទាយមានជ័យ នៅថ្ងៃទី២០ ខែមករា ឆ្នាំ២០២០ បានចេញលិខិតបដិសេធ និងច្រានចោលទាំងស្រុង រឿងគេចោទប្រកាន់ថា ខ្លួនយកលុយ ១៥.០០០ដុល្លារ ដើម្បីរត់ការចូលក្របខ័ណ្ឌពេទ្យរដ្ឋ។

ការចេញលិខិតបដិសេធនេះបានធ្វើឡើងបន្ទាប់ពីមានអត្ថបទរបស់អង្គភាពសារព័ត៌មួយ ដែលចុះផ្សាយនៅថ្ងៃទី១៨ ខែមករា ឆ្នាំ២០២១ ដែលមានចំណងជើង «ធ្លាយថា៖ ចូលក្រប ខ័ណ្ឌពេទ្យរដ្ឋអស់ម្នាក់ៗ ១៥.០០០$ នៅខេត្តបន្ទាយមានជ័យ! អ្នកមានសមត្ថភាពប៉ុន្តែអត់លុយគឺអស់សង្ឃឹម!»។

ក្នុងលិខិតបដិសេធរបស់ខ្លួន មន្ទីរសុខាភិបាលខេត្តបន្ទាយមានជ័យ បានចាត់ទុកដំណឹងនោះថា «គឺជាព័ត៌មានមិនពិត មួលបង្កាច់បំបែកបំបាក់សាមគ្គីផ្ទៃក្នុង ធ្វើឲ្យមានការបាក់ទឹកចិត្តចំពោះមន្ត្រីជាប់កិច្ចសន្យាសុខាភិបាលដែលកំពុងខិតខំបំពេញការងារក្នុងការប្រយុទ្ធនឹងជំងឺកូវីដ-១៩ ពិសេសប៉ះពាល់កិត្តិយស សេចក្តីថ្លៃថ្នូរដ៏ធ្ងន់ធ្ងរ របស់ថ្នាក់ដឹកនាំ និងអង្គភាពមន្ទីរសុខាភិបាលខេត្តបន្ទាយមានជ័យ។

មន្ទីរសុខាភិបាលខេត្តបន្ទាយមានជ័យបន្តថា បន្ទាប់ពីបានទទួល ការណែនាំក្នុងកិច្ចប្រជុំស្តីពី ការជ្រើសរើសមន្ត្រីជាប់កិច្ចសន្យា និងអ្នកស្ម័គ្រចិត្តកំពុងបំពេញការងារប្រយុទ្ធនឹងជំងឺកូវីដ-១៩ កាលពីថ្ងៃទី២៣ ខែធ្នូ ឆ្នាំ២០២០ របស់ក្រសួងសុខាភិបាល មន្ទីរសុខាភិបាលខេត្ត បានធ្វើការប្រជុំផ្សព្វផ្សាយជូនដល់ថ្នាក់ដឹកនាំ ការិយាល័យសុខាភិបាលស្រុកប្រតិបត្តិ មន្ទីរពេទ្យខេត្ត និងមន្ទីរពេទ្យបង្អែក ក្រុង/ស្រុក អំពីគោលការណ៍ និងលក្ខខ័ណ្ឌជ្រើសរើស យ៉ាងច្បាស់លាស់ ហើយកំណត់ការឈប់ទទួលពាក្យនៅថ្ងៃទី ២៨ ខែធ្នូ ឆ្នាំ ២០២០ វេលាម៉ោង ១៧:០០ ជាការកំណត់របស់ក្រសួងសុខាភិបាល ។ ចំពោះការទទួលពាក្យរបស់បេក្ខជននីមួយៗ ត្រូវមានលិខិតធានាអះអាង ពីអង្គភាពសាម៉ី និងឯកសារពាក់ព័ន្ធត្រឹមត្រូវ។

មន្ទីរសុខាភិបាលខេត្ត ថែមទាំងបានបង្កើតគណៈកម្មការដើម្បីទទួលពាក្យ និងពិនិត្យលើសំណុំឯកសារដើម្បីបញ្ជូនទៅក្រសួងសុខាភិបាល ព្រមទាំងមានកំណត់ហេតុ និងឯកសារពាក់ព័ន្ធត្រឹមត្រូវ ។ ចំពោះសិទ្ធិសម្រេច នៃការជ្រើសរើសចូលក្នុងក្របខ័ណ្ឌរដ្ឋ មិនស្ថិតក្នុងដែនសមត្ថកិច្ច របស់មន្ទីរសុខាភិបាលខេត្តឡើយ គឺត្រូវឆ្លងកាត់ការត្រួតពិនិត្យនិងសម្រេចរបស់គណៈកម្មការក្រសួងសុខាភិបាល។ បច្ចុប្បន្ននេះ លទ្ធផលនៃការជ្រើសរើសមិនទាន់ប្រកាសជាផ្លូវការ ពីក្រសួងសុខាភិបាល នៅឡើយទេ។

«ដូច្នេះចំពោះពាក្យចោទប្រកាន់ថា «បើមន្ត្រីពេទ្យជាប់កិច្ចសន្យាពុំមានប្រាក់ចំនួន ១៥.០០០ដុល្លារ បង់ជូនប្រធានមន្ទីរសុខាភិបាលខេត្តបន្ទាយមានជ័យ តាមរយៈប្រធាន (អូឌី)-ក្រុង-ស្រុក ជាថ្នូរ និង (ធិក) ដៅឈ្មោះបញ្ជូនឈ្មោះ ឱ្យជាប់ក្របខ័ណ្ឌរដ្ឋក្នុងក្រសួងសុខាភិបាល» គឺជាព័ត៌មានមិនពិតធ្វើឲ្យប៉ះពាល់យ៉ាងធ្ងន់ធ្ងរដល់កិត្តិយសកេរ្តិ៍ឈ្មោះ និងការខិតខំប្រឹងប្រែង យកចិត្តទុកដាក់ក្នុងការបំពេញការងារទប់ស្កាត់ជំងឺកូវីដ-១៩ ទាំងយប់ទាំងថ្ងៃដោយមិនគិតពីការលំបាក ការនឿយហត់សព្វបែបយ៉ាងរបស់ថ្នាក់ដឹកនាំ និងមន្រ្តីសុខាភិបាលជួរមុខគ្រប់ជាន់ថ្នាក់របស់មន្ទីរសុខាភិបាលខេត្តបន្ទាយមានជ័យ»។ នេះបើតាមលិខិតបដិសេធដដែល។

ទន្ទឹមនឹងការបដិសេធ និងច្រានចោលទាំងស្រុងចំពោះការចោទប្រកាន់គ្មានភាពច្បាស់លាស់ខាងលើ មន្ទីរសុខាភិបាលខេត្តបន្ទាយមានជ័យ ក៏ទាមទារឲ្យសារព័ត៌មានដែលផ្សាយអត្ថបទអកុសលនោះ បង្ហាញនូវភស្តុតាងជាក់លាក់ ដើម្បីស្រាវជ្រាវ និងអនុវត្តតាមនីតិវិធី៕

ព័ត៌មានគួរចាប់អារម្មណ៍

អភិបាលខេត្តត្បូងឃ្មុំ សំណេះសំណាលចែកម៉ាស អាល់កុល ជែក ប្រេងសាំង និងថវិការលើកទឹកចិត្តដល់មន្ត្រីសាលាខេត្ត ណែនាំឲ្យបន្តអនុវត្តន៍ និងផ្សព្វផ្សាយបន្តវិធានការពារឆ្លងជំងឺកូវីដ១៩ «៣កុំ ៣ការពារ» ()

ព័ត៌មានគួរចាប់អារម្មណ៍

សាខាកាកបាទក្រហមកម្ពុជាខេត្តបាត់ដំបងលោក បើកយុទ្ធនាការផ្សព្វផ្សាយសារសុវត្ថិភាពចរាចរណ៍ និងវិធានការទបស្កាត់ការរីករាលដាលកូវីដ១៩ ក្នុងព្រឹត្តិការណ៍សហគមន៍២០កុម្ភៈ មុនពិធីបុណ្យចូលឆ្នាំថ្មីប្រពៃណីជាតិខ្មែរ ()

ព័ត៌មានគួរចាប់អារម្មណ៍

អភិបាលខេត្តពោធិ៍សាត់ ចុះត្រួតពិនិត្យគោលដៅអនុវត្តន៍បទបញ្ជារបស់រាជរដ្ឋាភិបាល លើការបិទការធ្វើដំណើរឆ្លងកាត់ពីខេត្តមួយទៅខេត្តមួយ ជាបណ្តោះអាសន្នរយៈពេល១៤ថ្ងៃ ()

ព័ត៌មានគួរចាប់អារម្មណ៍

អាជ្ញាធរខេត្តព្រះវិហារ ចុះត្រួតពិនិត្យគោលដៅអនុវត្តន៍បទបញ្ជារបស់រាជរដ្ឋាភិបាល លើការបិទការធ្វើដំណើរឆ្លងកាត់ពីខេត្តមួយទៅខេត្តមួយ ជាបណ្តោះអាសន្នរយៈពេល ១៤ថ្ងៃ ()

ព័ត៌មានគួរចាប់អារម្មណ៍

ធនាគារវឌ្ឍនៈ សាខាខេត្តបាត់ដំបង បានផ្តល់ម៉ាស់ ចំនួន ១២ម៉ឺន ៥ពាន់ ម៉ាស់ និងអាកុលចំនួន ៦០០លីត្រ ដល់រដ្ឋបាលខេត្តបាត់ដំបង សម្រាប់ប្រើប្រាស់ក្នុងការប្រយុទ្ធប្រឆាំងជំងឺកូវីដ ១៩ ()

វីដែអូ