ថ្ងៃសុក្រ ទី០៣ ខែធ្នូ ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
អភិបាលខេត្តកំពង់ធំ ចុះត្រួតពិនិត្យឡសម្ងួត និងឃ្លាំងស្តុកស្រូវរោងម៉ាស៊ីនកិនស្រូវ២កន្លែង ក្នុងស្រុកស្ទោង និងស្រុកកំពង់ស្វាយ
Tue,26 October 2021 (Time 10:08 AM)
ដោយ ៖ (ចំនួនអ្នកអាន: 90នាក់)

(កំពង់ធំ)៖ លោក ងួន រតនៈ អភិបាលខេត្តកំពង់ធំ បានដឹកនាំក្រុមការងារចុះត្រួតពិនិត្យឡសម្ងួត ឃ្លាំងស្តុកស្រូវ និងរោងម៉ាស៊ីនកិនស្រូវចំនួន២កន្លែង គឺរោងម៉ាស៊ីនកិនស្រូវ១៦៨៨ នៅឃុំទ្រា ស្រុកស្ទោង ដែលមានសមត្ថភាពសម្ងួតស្រូវសើមបានចាប់ពី ៣០០តោន ទៅ៨០០តោន ក្នុងមួយថ្ងៃ បំពាក់ឧបករណ៍ និងម៉ាស៊ីនបែបទំនើបទាន់សម័យ

ចំណែកឯរោងម៉ាស៊ីនកិនស្រូវ លឹម ហេងលាភ ស្ថិតនៅឃុំត្រពាំងឬស្សី ស្រុកកំពង់ស្វាយ មានសមភាពសម្ងួតស្រូវសើមបានចាប់ពី ៣០០តោន ទៅ៥០០តោន ក្នុងមួយថ្ងៃបំពាក់ដោយឧបករណ៍ និងម៉ាស៊ីនបែបទំនើបទាន់ សម័យដូចគ្នា ដែលគាំទ្រដោយកម្មវិធីជំរុញផលិតកម្មស្រូវ និងការនាំអង្ករចេញ (Rice-SDP) ក្រោមកម្ចីសម្បទានពីធនាគារអភិវឌ្ឍន៍អាស៊ី (ADB)។

ក្នុងដំណើរការចុះត្រួតពិនិត្យកាលពីម្សិលមិញ លោក ងួន រតនៈ បានលើកឡើងថា គោលបំណងសំខាន់របស់គម្រោង Rice-SDP ធ្វើឱ្យប្រសើរឡើងនូវគោលនយោបាយសន្តិសុខស្បៀង និងការនាំចេញអង្ករក្នុងបរិបទ នៃការរីករាលដាលនៃជំងឺឆ្លងកូវីដ១៩ ដោយអនុវត្តគោលនយោបាយរបស់រាជរដ្ឋាភិបាល ក្នុងស្មារតីទទួលខុសត្រូវខ្ពស់ ដើម្បីបង្កើនសមត្ថភាពផលិតធានាឱ្យបានទាំងបរិមាណ គុណភាព និងសុវត្ថិភាពឱ្យស្របតាមស្តង់ដារ តម្រូវការរបស់ទីផ្សារអន្តរជាតិដែលបានកំណត់។

អភិបាលខេត្ត បានបន្តថា គម្រោង Rice-SDP ក៏មានការជួយសាងសង់ឡសម្ងួត និងឃ្លាំងស្តុកស្រូវ អង្ករការស្តារប្រព័ន្ធធារាសាស្ត្រ ផ្តល់បច្ចេកទេសពូជ និងបន្សាំដំណាំស្រូវទៅនឹងការប្រែប្រួលអាកាសធាតុ ជាពិសេសងាយស្រួល ក្នុងការផលិត និងរក្សាទុកកសិផលឱ្យមានគុណភាពល្អសម្រាប់នាំចេញ មានទីផ្សារលក់ត្រឹមត្រូវ ទទួលបានប្រាក់ចំណូលច្រើនកាត់បន្ថយភាពក្រីក្របានមួយកម្រិតធំ ជាពិសេសរួមចំណែករក្សាស្ថេរភាពតម្លៃស្រូវដល់ប្រជាកសិករ និងជំរុញការនាំចេញអង្ករស្របតាមគោលនយោបាយរបស់រាជរដ្ឋាភិបាល។

ហើយគម្រោង Rice-SDP អនុវត្តលើខេត្តគោលដៅចំនួន៣ខេត្តរួមមាន៖ ខេត្តកំពង់ធំ បាត់ដំបង និងព្រៃវែង ក្នុងនោះខេត្តកំពង់ធំ អនុវត្តលើក្រុងស្រុកគោលដៅចំនួន ៦ក្រុងស្រុក រួមមាន ក្រុងស្ទឹងសែន ស្រុកកំពង់ស្វាយ ស្រុកសន្ទុក ស្រុកស្ទោង ស្រុកបារាយណ៍ និងស្រុកតាំងគោក៕

ព័ត៌មានគួរចាប់អារម្មណ៍

សារលិខិតសម្តេចកិត្តិព្រឹទ្ធបណ្ឌិត ផ្ញើជូនជនរួមជាតិ ក្នុងឱកាសទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២១ ()

ព័ត៌មានគួរចាប់អារម្មណ៍

សម្តេចតេជោ ហ៊ុន សែន៖ ការបើកដំណើរការ ខារ៉ាអូខេ រង្គសាល និងឌីស្កូតែក ត្រូវរង់ចាំពិនិត្យក្រោយថ្ងៃទី៣០ ខែវិច្ឆិកា ឆ្នាំ២០២១ ()

ព័ត៌មានគួរចាប់អារម្មណ៍

ឯកឧត្តម សុខ លូ អញ្ជើញជាអធិបតីភាពដ៏ខ្ពង់ខ្ពង់ក្នុង ពិធីសំណេះសំណាល និងកច្ចប្រជុំពិនិត្យលទ្ធផលការងារប្រចាំខែតុលា ឆ្នាំ២០២១ របស់ក្រុមការងារយុវជនគណបក្សខេត្តបាត់ដំបង ()

ព័ត៌មានគួរចាប់អារម្មណ៍

ឯកឧត្តម សុខ លូ សំណេះសំណាលជាមួយរដ្ឋបាលក្រុង ស្រុក ដើម្បីប្រគល់ថវិកាឧបត្ថម្ភរបស់រាជដ្ឋាភិបាលជូនដល់គ្រួសារសព ដែលទទួលមរណភាពដោយសារជំងឺកូវីដ-១៩ ចំនួន ១៦៦ សព នៅក្នុងខេត្តបាត់ដំបង ()

ព័ត៌មានគួរចាប់អារម្មណ៍

អភិបាលខេត្តកំពង់ធំ ចុះត្រួតពិនិត្យឡសម្ងួត និងឃ្លាំងស្តុកស្រូវរោងម៉ាស៊ីនកិនស្រូវ២កន្លែង ក្នុងស្រុកស្ទោង និងស្រុកកំពង់ស្វាយ ()

វីដែអូ