ថ្ងៃសុក្រ ទី០៣ ខែធ្នូ ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
អភិបាលខេត្តបាត់ដំបង ណែនាំមន្ត្រីគ្រប់មន្ទីរអង្គភាព សហការគ្នាបំរើពលរដ្ឋឲ្យបានល្អប្រសើរ ប្រកបដោយតម្លាភាព ប្រសិទ្ធភាពខ្ពស់
Thu,14 October 2021 (Time 06:58 PM)
ដោយ ៖ (ចំនួនអ្នកអាន: 74នាក់)

(បាត់ដំបង)៖ លោក សុខ លូ អភិបាលខេត្តបាត់ដំបង និងជាប្រធានគណៈបញ្ជាការឯកភាពរដ្ឋបាលខេត្ត បានថ្លែងណែនាំដល់គ្រប់មន្ទីរអង្គភាពស្ថាប័នទាំងអស់ សូមចូលរួមផ្តល់កិច្ចសហការ ដើម្បីបន្តនិរន្តរភាពការងារឲ្យបានល្អប្រសើរ និងខិតខំពង្រឹងវិន័យការងារ គោរពពេលវេលា ជាពិសេសខិតខំបម្រើសេវាសាធារណៈ ជូនប្រជាពលរដ្ឋឲ្យបានល្អប្រសើរ ប្រកបដោយតម្លាភាព ប្រសិទ្ធភាព ឆាប់រហ័ស និងស្មារតីទទួលខុសត្រូវខ្ពស់។

លោក សុខ លូ បានលើកឡើងដូចនេះនារសៀលថ្ងៃទី ១៤ ខែតុលា ឆ្នាំ២០២១នេះ ក្នុងឱកាសបើកកិច្ចប្រជុំគណៈបញ្ជាការឯកភាពរដ្ឋបាលខេត្ត ដោយមានការចូលរួមពី លោកឧត្តមសេនីយ៍ឯក ឯក សំអូន មេបញ្ជាការរងកងទ័ពជើងគោក មេបញ្ជាការយោធភូមិភាគទី៥ បាត់ដំបង រួមទាំងមន្ត្រីជាច្រើនរូបទៀតនៅសាលប្រជុំសាលា ខេត្តបាត់ដំបង។

លោក សុខ លូ បានបន្ថែមថា ក្នុងនាមលោកជាអភិបាលខេត្ត មានគោលបំណងតែមួយគត់ គឺបម្រើប្រជាពលរដ្ឋឱ្យរស់នៅក្នុងភាពសុខដុមរមណី នឹងធ្វើឲ្យមានការ រីកចម្រើននៅក្នុងខេត្តបន្ថែមទៀត។

លោកឧត្តមសេនីយ៍ឯក ឯក សំអូន បានជំរុញដល់កងកម្លាំងសមត្ថកិច្ចពាក់ព័ន្ធទាំងអស់ ខិតខំពង្រឹងអនុវត្ត នូវគោលនយោបាយភូមិ ឃុំ មានសុវត្ថិភាព ឲ្យបានរលូន នៅគ្រប់មូលដ្ឋាន ប្រកបដោយប្រសិទ្ធភាពក្នុងការបង្ការទប់ស្កាត់បង្ក្រាបបទល្មើស ចោរលួច ចោរឆក់ ចោរប្លន់ ការលេងល្បែងស៊ីសង គ្រប់ប្រភេទ ក្មេងទំនើង ការជួញដូរ ចែកចាយគ្រឿងញៀន និងការប្រើប្រាស់គ្រឿងញៀន ជាពិសេសទប់ស្កាត់អំពីបញ្ហានៃការលួចឆ្លងដែនខុសច្បាប់របស់ប្រជាពលរដ្ឋ ព្រមទាំងស្វែងរកមុខសញ្ញាមេខ្យល់ ដើម្បីយកមកផ្ដន្ទាទោសតាមផ្លូវច្បាប់៕

ព័ត៌មានគួរចាប់អារម្មណ៍

សារលិខិតសម្តេចកិត្តិព្រឹទ្ធបណ្ឌិត ផ្ញើជូនជនរួមជាតិ ក្នុងឱកាសទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២១ ()

ព័ត៌មានគួរចាប់អារម្មណ៍

សម្តេចតេជោ ហ៊ុន សែន៖ ការបើកដំណើរការ ខារ៉ាអូខេ រង្គសាល និងឌីស្កូតែក ត្រូវរង់ចាំពិនិត្យក្រោយថ្ងៃទី៣០ ខែវិច្ឆិកា ឆ្នាំ២០២១ ()

ព័ត៌មានគួរចាប់អារម្មណ៍

ឯកឧត្តម សុខ លូ អញ្ជើញជាអធិបតីភាពដ៏ខ្ពង់ខ្ពង់ក្នុង ពិធីសំណេះសំណាល និងកច្ចប្រជុំពិនិត្យលទ្ធផលការងារប្រចាំខែតុលា ឆ្នាំ២០២១ របស់ក្រុមការងារយុវជនគណបក្សខេត្តបាត់ដំបង ()

ព័ត៌មានគួរចាប់អារម្មណ៍

ឯកឧត្តម សុខ លូ សំណេះសំណាលជាមួយរដ្ឋបាលក្រុង ស្រុក ដើម្បីប្រគល់ថវិកាឧបត្ថម្ភរបស់រាជដ្ឋាភិបាលជូនដល់គ្រួសារសព ដែលទទួលមរណភាពដោយសារជំងឺកូវីដ-១៩ ចំនួន ១៦៦ សព នៅក្នុងខេត្តបាត់ដំបង ()

ព័ត៌មានគួរចាប់អារម្មណ៍

អភិបាលខេត្តកំពង់ធំ ចុះត្រួតពិនិត្យឡសម្ងួត និងឃ្លាំងស្តុកស្រូវរោងម៉ាស៊ីនកិនស្រូវ២កន្លែង ក្នុងស្រុកស្ទោង និងស្រុកកំពង់ស្វាយ ()

វីដែអូ